Ndërtimi i aplikacioneve web e vendos  programuesin përballë mundësive dhe problematikave të ndryshme nga aplikacionet për desktop.
Duke qenë të ekspozuar në internet aplikacionet duhet të jenë të ndërtuara për tu bërë ballë sulmeve që synojnë të gjejnë vrima sigurie në to. Aplikacionet nuk kanë nevojë për instalim ndaj edhe numri i përdoruesve të njekohshëm i tyre mund të jetë i madh dhe në disa raste shumë i vështirë për tu parashikuar. Zhvillimet  teknologjike  kerkojne qe sitet web të përdoruren edhe  nëpërmjet ndërfaqeve jo tradicionale si nga pajisjet celulare apo nëpërmjet zërit dhe telefonit. Shpesh koha që kemi në dispozicion për ndërtimin dhe modifikimin e një aplikacioni web është e shkurtër. Një analizë e kujdesshme paraprake, një njohje e mirë e mjeteve në dispozicion dhe zbatimi i një metodologjie që ndan dizenjimin nga programimi, na mundëson që të aplikojmë ndryshime në aplikim, në mënyrë të vecante në ndërfaqen e tij, në një kohë të shkurtër dhe të ndajmë punën në ekip. Ky kurs ju njeh me mjetet dhe teknikat për ndërtimin e aplikimeve web në platformën php&mysql. Kjo është një platformë me kod burimi të hapur prandaj aplikacionet e ndërtuara në këtë platformë nuk kanë kosto për licenca të software. Kjo eshte dhe nje nga arsyet qe sitet e ndertuara ne PHP&Mysql kane  kosto të ulët për hostimin. Kursi fillon me mjetet e programimit ne klient,html dhe javascript dhe vazhdon më tej me PHP dhe MySQL. Kursi eshte i bazuar në shembuj konkretë dhe në fund të leksioneve ka ushtrime që do të shërbenin për përforcimin e njohurive të marra gjatë leksionit. Eshte ndertuar një faqe interneti  për të dhënë zgjidhjet e disa ushtrimeve si edhe për informacione shtesë ndihmëse si udhëzime për instalimin e platformës apo teknika dhe truke në ndërtimin e aplikimeve.